سوپا سالارێ بەرێ یێ ئیراقێ ڕاگەهاند، بۆ هەموو ئالیان دیاربوویە کو پێشمەرگە هێزەکە دشێت ل هەمبەری تیرۆری ب دروستی ب ڕاوەستیت.

نها حکومەتا هەرێمی و حکومەتا عیراقێ د بزاڤێن وێ چەندێ دانە کو بگەهنە ڕیککەفتنەکێ ژبۆ کو جارەکا دی پێشمەرگە و هێزێن ئیراقی پاراستنا وان نافچەیان بکەن یێن بەری نها دپاراستن.

بابەکر زێباری، د داخویانیەکا تایبەتدا بۆ ماڵپەرێ فەرمیی یێ پارتی دیموکراتی کوردستان ڕاگەهاند، ڤەلڤینێن داعشێ ل چەندین نافچەیێن ئیراقێ ب هێز بووینە و چالاکیێن خۆ ب ئاشکەرایی دکەن و حەشدا شەعبی و هێزێن ئیراقی نەشێن پاراستنا دەڤەرێن خۆ بکەن ڤێجا دێ چاوا شێن پاراستنا نافچەیێن کوردستانی بکەن.

زێباری ئاماژە ب وێ یەکێ کر، هەڤپەیمان و حکومەتا ئیراقێ و هەموو د وێ باوەریێ دانە کو پێدڤیە پێشمەرگە ڤەگەڕیتە نافچەیێن کوردستانی چونکی هەتا پێشمەرگە نەڤەگەریت، ئاوارە ژی ڤەناگەرن.

مایک پۆمپیۆ وەزیری دەرڤەیێ ئەمریکا ژى ڕاگەهاندبوو، داعش هێشتا ل ئیراقێ مایە و د خوازیت گەڤان بکەن.
KDP -