ھێزەكانی پۆلیس لە سلێمانی دوو تۆمەتباریان دەستگیر كرد كە لەلایەن دادگاوە داوا كرابوون.

لە راگەیەندراوێكدا بەڕێوەبەرایەتی پۆلیسی پارێزگای سلێمانی ئاشكرا كرد: "هێزەكانی بنكەی پۆلیسی سەرا و بنكەی پۆلیسی كوردستان دوو تۆمەتباریان دەستگیركرد كە لەلایەن دادگاوە داواكراو بوون".

لەو راگەیەندراوەوە روونكراوەتەوە: "هێزەكانی بنكەی پۆلیسی سەرا تۆمەتبارێكیان دەستگیركرد كە هاووڵاتیانی فریوداوەو فێڵی لێكردوون و بەناوی كەسانی ترەوە پارەی لە هاووڵاتیان وەرگرتووەو هەڵاتووە. دوای ئاگاداركردنەوەی هێزەكانی پۆلیس لە پلانێكی تۆكمەدا و دوای وەرگرتنی زانیاری لەسەر تۆمەتبار توانرا لەلایەن هێزەكانی بنكەی پۆلیسی سەراوە (ر، ج، س) دەستگیربكرێت و لە ئێستادا بە بڕیاری دادوەرو بەپێی ماددەی 456 لەیاسای سزادانی عێراقی اگیراوە".

بەپێی راگەیەندراوەكە لەلایەكی دیكە: "هێزەكانی بنكەی پۆلیسی كوردسات تۆمەتبارێكیان دەستگیركرد كە هەستابوو بە تەزویركردنی بەڵگەنامە و بازرگانیكردن بە ئەندامەكانی جەستەی مرۆڤەوە. ئێستا تۆمەتبارەكە بەبڕیاری داوەرو بەپێی ماددەكانی (289-298 لە یاسای سزادانی عێراقی و 4 لە یاسای چاندنی ئەندامەكانی لەش) راگیراوە و لەلایەن بنكەی پۆلیسی كوردساتەوە پەڕاوی لێكۆڵینەوەی بۆ كراوەتەوە".
k24-