بەڕێوەبەرایەتی پۆلیسی هاتووچۆی کۆیە شۆفێران ئاگادار دەکاتەوە کە بەهۆی بارینی بەفر و بارانێکی زۆرەوە ڕێگای سماقوڵی کە یەکێکە لە ڕێگە سەرەکییەکانی نێوان هەردوو پارێزگای هەولێر و سلێمانییە ئاستەنگی هاتووچۆی بۆ درووست بووە.

 

زاهیر محه‌مه‌د، به‌ڕێوه‌به‌رى هاتووچۆى كۆیه‌ ڕاگه‌یاند: "به‌هۆى بارینى به‌فر و بارانێکی زۆر ئاستى ئاوى به‌نداوى سماقولى به‌رزبووه‌ته‌وه‌ به‌مەش ڕێگای سماقوڵ کە یەکێکە لە ڕێگە سەرەکییەکانی نێوان پارێزگای هەولێر و سلێمانی ئاستەنگی هاتووچۆی بۆ درووست بووە".

 

ناوبراو داواشی لە شۆفێران کرد کە تا ئەو کاتەی کەشوهەوا ئاسایی دەبێتەوە بۆ هاتووچۆ نێوان هەولێر و سلێمانی و ئیدارەی ڕاپەڕین ڕێگای کۆیە یاخود شەقڵاوە بەکاربهێنن.
bas news-