کاتی دەست پێکردنی شەقامی 150 مەتری هەولێر ئاشکرا دەکرێت
ئەندازیار ئەمیر عەبدولخالق، بەڕێوەبەری پرۆژەی شەقامی 120 مەتری شاری هەولێر ڕايگەیاند: "لە دوای دانانی بەردی بناغەی شەقامی 150 مەتری بەهۆی ئەوەی ڕێژەیەکی زۆر بارانباری، نەتوانرا دەست بە دروستکردن و جێبەجێکردنی پرۆژەکە بکرێت، لەبەر ئەوەی کرداری خۆڵتێکردن و هەڵکۆڵین لە وەرزی زستاندا کارێکی ئەستەمە".
گوتیشی: "لە دوای جەژنی نەورۆزی ئەمساڵەوە دەست بە جێبەجێکردنی پلانی دروستکردنی شەقامی 150 مەتری دەکرێت".
ئەوەشی خستە ڕوو، کە هەندێک کەموکوڕی لە شێوازی نەخشەی شەقامەکەدا هەبووە، بۆیە سەرلەنوێ دیزاینی بۆ کراوەتەوە، گوتیشی: "مانگی شوباتی ئەمساڵ دەست بە یەکەم قۆناغی پرۆژەی 150 مەتری دەکرێت".
پرۆژەی شەقامی 150 مەتری لە شاری هەولێر لە 16/9/2018، لەلایەن نێچیرڤان بارزانی سەرۆکی حکوومەتی هەرێمی کوردستان بەردی بناغەی دانرا، کە درێژییەکەی 70 کیلۆمەترە، واتە 42 کیلۆمەتر لە شەقامی 120 مەتری درێژترە و هەروەها رێگەکە پێنج سایدە و هەر سایدێکیش 14 مەترە.
باسنيوز
