وەزارەتی دارایی و ئابووریی حکوومەتی ھەرێمی کوردستان، مووچەی چەند وەزارەتێکی دیکە دابەش دەکات.

بەپێی ئەو خشتەیەی لەنێو وەزارەتی دارایی دەستی کەوتووە، سبەی چوارشەممە 9/1/2019 مووچەی وەزارەتی تەندروستی دابەش دەکرێت، ئەمڕۆ سێشەممەش مووچەی وەزارەتی پەروەردە دابەش دەکرێت.

ھەر بەپێی خشتەکە، ڕۆژی پێنجشەممە 10/1/2019 مووچەی زیندانی سیاسی و کەسوکاری شەھیدان، ھەروەھا وەزارەتەکانی کاروباری شەھیدان و ئەنفالکراوان، دارایی و ئابووری دابەش دەکرێت.

لە ڕۆژی 6/1/2019وە، وەزارەتی دارایی دەستی بە دابەشکردنی مووچەی مانگی 10ی ساڵی 2018 کردووە.