ژ ئەگەرێن ھاتنا پێلێن بەفر و بارانا دژوار ل سنورێ قەزا ئامێدیێ، ئەڤرۆ کولیژا پەروەردا بنیات ل ئامێدیێ نەچار بو دەواما خوە یا فەرمی ب راوەستینیت و بھێنڤەدان ھات راگەھاندن.

چەروان ئیبراھیم، بەرپرسێ راگەھاندنا کولیژا پەروەردا بنیات ل ئامێدیێ د داخویانیەکا تایبەت دا راگەھاند: "ژ بەر کو بارینا بەفر و بارانێ بو دەمێ چەند رۆژانە ل سنورێ قەزا ئامێدیێ یا بەردەوامە و کولیژا پەروەردا بنیات ل سەنتەرێ باژێرکێ ئامێدیێ بخوە بویە لەورا ئەم نەچار بوینە دەواما ئەڤرۆ ب بھێنڤەدان رابگەھینین".

ھەمان بەرپرسی ئەو چەندە ژی دوپاتکر: "رێکا سەرەکی یا ھاتن بو کولیژا ئامێدیێ تژی بەفر بویە و ھاتن وچونا ترۆمبێلان یا بزەحمەتە ژلایەکێ دیتر ڤە پتریا قوتابیێن مە خەلکێ ژ دەرڤەی سەنتەرێ ئامێدیێ کو ژ (دھوک و شێلادزێ و دێرالوکێ) و گوند و دەڤەرێن دەوروبەرێن ئامێدیێ نە لەورا ژ ئەگەرێ گرتنا جادێ ژ بەفرێ رێک ھاتیە گرتن و دەواما ئەڤرۆ بو ھەر دوو دەوامێن (سپێدەھیان و ئێڤاریان) ھاتیە راگرتن".

ناڤبری ئەو چەندە ژی دوپاتکر: "ئەڤرۆ دەواما فەرمی ناھێتە ئەنجام دان و ئەگەر کەش و ھەوا ب ڤی رەنگی بیت د ھێتە چاڤەرێکرن رۆژانێن داھاتی دا ژی بھێنڤەدان بھێتە راگرتن".










باسنيوز