وەزارەتی بەرگریی شانشینی هۆڵەندا راگەیەندراوێک لەبارەی مەشقکردن بە هێزەکانی پێشمەرگەی کوردستان، بڵاو دەکاتەوە.

بەپێی راگەیەندراوەکە، کە ئەمڕۆ چوارشەممە 2-1-2019 بڵاو کراوەتەوە، فڕۆکە جەنگییەکانی هۆڵەندا کۆتایی بە ئەرکی خۆیان لە بۆردومانکردنی بنکە و بارەگاکانی رێکراوی تیرۆریستی داعش لە عێراق و سووریا دەهێنن.

هەروەک لە راگەیەندراوەکەدا هاتووە، وەزارەتی بەرگریی هۆڵەندا لە هاوکاریکردن و مەشقکردن بە پێشمەرگە و سوپای عێراق بەردەوام دەبێت، چونکە هەروەک بێیلیڤڵد سخاوتنی وەزیری بەرگریی ئەو وڵاتە رایگەیاندووە، ”هێشتا شەڕدژی داعش کۆتایی نەهاتووە“.

هۆڵەندا وڵاتێکی ئەوروپییە و بە چوار فڕۆکەی جۆری F16، بەشداریی هاوپەیمانیی نێودەوڵەتی دژی داعشی کردووە و ئێستاش ئەو فڕۆکانە ”بۆ کاری دیکەی هاوپەیمانیی ناتۆ“، دەگەڕێنێتەوە وڵاتەکەی.










باسنيوز