ئه‌ندامه‌كى جڤاتا پارێزگه‌ها مووسل دیاركر:" ژبه‌ر ئه‌نجامدانا تاوانیێن دزى و تالانكرنى جڤاتا پارێزگه‌ها مووسل هه‌موو جهێن ئه‌منى ئاگه‌هداركرینه‌ بۆ قه‌ده‌غه‌كرنا فروتنا فه‌رارین سه‌ر ترۆمبێلین ده‌زگه‌هیێن ئه‌منى ب هه‌موو جۆرێن خوه‌ ڤه‌ ل دوكانان".

خه‌لیل شه‌مۆ، ئه‌ندامێ جڤاتا پارێزگه‌ها مووسل دیاركر:" هنده‌ك جاران زالگه‌هیێن وه‌همى هاتنه‌ دانان ژلایێ هنده‌ك كه‌سێن نه‌ ناسیارڤه‌ وان كه‌سان ترۆمبێل بكاردئینان ل سه‌ر ترۆمبێلان ژى فه‌رارین ده‌زگه‌هیێن ئه‌منى دانان ب ناڤیێن ده‌زگه‌هیێن ئه‌منى فیل ل وه‌لاتیان كرن خه‌لكێ هزركر زالگه‌هیێن فه‌رمى لێ ئه‌و بخوه‌ نه‌ زالگه‌هیێن فه‌رمى بووینه‌ ژبه‌ر ڤى چه‌ندى مه‌ فه‌رارین سه‌ر ترۆمبێلان ب هه‌موو جۆران ڤه‌ قه‌ده‌غه‌كرن داكو كونترول لسه‌ر ره‌وشا مووسل باشیى بهێته‌ كرن وكارین دزى و تالانكرنى ژى نه‌هێنه‌ ئه‌نجامدان".

خۆیا ژى كر:" هنده‌ك حاله‌تیێن دزى و تالانكرنى ل مووسل هاتینه‌ ئه‌نجامدان داكو ئه‌ڤ حاله‌ت نه‌بنه‌ دیاردا وكونترول لسه‌ر ره‌وشا مووسل باشیى بهێته‌ كرن له‌ورا فرۆتنا كه‌ره‌ستێن ترۆمبیلێن پولیسیان ل دوكانان هاته‌ قه‌ده‌غه‌كرن چونكو خه‌لكێ بۆ مه‌ره‌مین خراب بكاردئینان پێ تاوان ئه‌نجامدان".











باسنیوز