پارێزگاری هەولێر ڕای دەگەیەنێت، کارەکانی بازاڕی لەنگە بەشی زۆری تەواو بووە و داوایه‌كیشیان له‌ حكوومه‌ت كردووه‌.

نەوزاد هادی، پارێزگاری هەولێر ڕايگەیاند: ”کارەکانی بازاڕی لەنگە بەشی زۆری تەواو بووە، هاوكات داوامان له‌ حكوومه‌ت كردووه‌، تیم زیاتر و ئامێری زیاتر دابین بكه‌ن بۆ ئەوەی كاره‌كان خێراتر ئەنجام بدرێن“.

پارێزگاری هەولێر لەبارەی کاتی تەواوکردنی کارەکان لە بازاڕەکەدا، گوتی: ”پەیوەندی بە باران بارینەوە هەیە، چونکە کاریگەری لەسەر کارەکان هەیە“.

پێش ماوه‌یه‌ك بازاڕى له‌نگه‌ى هه‌ولێر ئاگرى گرت و زیانێكی زۆر به‌ر خاوه‌ن دوكانه‌كان كه‌وت، بۆیه‌ حكوومه‌تى هه‌رێمی كوردستان بڕیارى دا بازاڕه‌كه‌ دروست بكرێته‌وه‌ و هاوكارى خاوه‌ن دوكانه‌كان بكات.










باسنيوز