ئەمڕۆ یەكشەممە لەكۆمەڵگەی دەروازەی نێودەوڵەتی حاجی ئۆمەران، پێنج بارهەڵگری دۆشاوی تەماتە بەهۆی ناشیاوبوون بۆ خواردن، گەڕیندرانەوە بۆ ئێران.

سیروان حوسێن، بەڕێوەبەری ڕاگەیاندنی كۆمەڵگەی دەروازەی نێودەوڵەتیی حاجی ئۆمەران، رايگەیاند: "لە درێژەی كار و چالاكییەكاندا ئەمڕۆ یەكشەممە 23/12/2018 بەهۆی دەرنەچوون لەلایەن تاقیگەی پشكنینی گشتی پێنج باری دۆشاوی تەماتە لە جۆری (مزمز) رێگەیان پێنەدرا بگوازرێنەوە بۆ ناو بازاڕەكانی شار و شارۆچكەكانی هەرێمی كوردستان".

گوتیشی، لەلایەن لێژنەی هاوبەشی كۆمەڵگەی دەروازەی نێودەوڵەتیی حاجی ئۆمەرانەوە، سەرجەم بارهەڵگر و بارەکانیان کە دۆشاوی تەماتە بوون، گەڕێندرانەوە بۆ وڵاتی ئێران.











باسنيوز