رێڤەبەرێ‌ نەفت وگازێ ل پارێزگەها دهۆكێ‌ دیار كر: "هەتا نۆكە گەلەك پانزینخانا یێن هاتینە هوشداریكرن وگەلەك ژی یێن هاتینە ئاگەهداركرن ب رێیا پارێزگەها دهۆكێ‌ مە ئاگەهداركرینە دوڤچوونەكێ بكەن وپانزینخانا بهایێ‌ پانزینا خوە بینە خارێ".

مەحسن تەها، رێڤەبەرێ‌ نەفت وگازێ ل پارێزگەها دهۆكێ‌ دیار كر: "نۆكە ل هندەك پانزینخانەیان ئێك لیتر ب 665 دیناران دهێتە فرۆتن وهندەك ژی ئەرزانتر. ژ دەرڤەی دهۆكێ‌ ژی هەتا 650 دیناران هەیە. ئەڤە پانزینا نۆرمال یا عادی بێژنیێ و پانزینا مەحسەن ژی ئێك لیتر 785 هەتا 800 ورەنگە هندەك جهان پتر ژی بیت. ل ڤێرێ داخوازیا مە ژ خودانێن پانزینخانا دەمێ‌ بهایێ نەفتێ ل بازارێ جیهانێ نزم بیت ئەو پانزینا خوە ئەرزان بكەن. كا چەوا دەمێ‌ گران دبیت ئەو بلەز گران دكەن لەورا هەكە پانزینخانەك ل سنۆرێ دهۆكێ‌ مابیت و بهایێ ئەرزان نەكربیت ئەم حەز دكەن بینتە خار. ئەم دێ پێرابوونێن یاسایی دگەل وان ئەنجام دەن هەكە ئەرزان نەكەن".

خویا ژی كر: "داكەڤتنا بهایێ پانزین گرێدایی نەفتا خامە ل بۆرسە جیهانێ. دڤێ‌ هەیڤێ‌ دا بهایێ نەفتا خام ژ 85 دولاران هاتیە خار بۆ 56 دبن 60 دولاران دایە. ئەڤ دابەزینا نەفتا خام راستەوخۆ كارتێكرنێ ل سەر بهایێ پانزینێ دكەت".










باسنيوز