باژێرڤانیا دهۆكێ پرۆژه‌یه‌ك به‌رهه‌ڤكریه‌ بۆ هندێ قه‌له‌بالغا ترۆمبێلان و هاتن و چوونێ دناڤ سه‌نته‌رێ باژێرى دا نه‌مینیت و ب رێیا ڤى پرۆژه‌ى قه‌له‌بالغا ترۆمبێلان دناڤ جاده‌یێن دهۆكێ دا نامینیت.



سه‌لاح سندورى، سه‌رۆكێ لیژنا هاتن و چوونا ناڤ باژێرى ل سه‌رۆكاتیا باژێرڤانیا دهۆكێ، راگه‌هاند، ب كۆژمێ 24 ملیار دیناران مه‌ پرۆژه‌یه‌ك ئاراسته‌ى پارێزگه‌ها دهۆكێ كریه‌ بۆ كێمكرنا ترافیكى ل سه‌ر جاده‌یێن پارێزگه‌ها دهۆكێ و ب رێكا ڤى پرۆژه‌ى دێ پلانه‌كا باش هێته‌ دانان و د ناڤا ڤێ پلانێ دا دێ پێنچ تۆنێل بۆ هاتن و چوونا مرۆڤان ل سه‌ر جاده‌یێن گشتى ب تایبه‌ت ل ناڤ بازارێ دهۆكێ هێنه‌ دانان و ئێدى مرۆڤ ل سه‌ر جاده‌یان هاتن و چوونێ بكه‌ن و ل گه‌ل هندێ ژى دێ هژماره‌كا زۆر یا پرێن پیاده‌ هێنه‌ دانان.



سه‌رۆكێ لیژنا هاتن و چوونا ناڤ باژێرى زێده‌تر دبێژیت: ئه‌ڤه‌ نێزیكى سێ سالانه‌ ئه‌و مژوولى به‌رهه‌ڤكرنا پرۆژه‌یه‌كێ گرنگن بۆ دهۆكێ و ب رێیا ڤى پرۆژه‌ى قه‌له‌بالغا ترۆمبێلان دناڤ جاده‌یێن دهۆكێ دا نامینیت و ترۆمبێل ل سه‌ر جاده‌یان دێ گه‌له‌ك كێمتر لێ هێن و ل گۆره‌ى ڤى پرۆژه‌ى، 50% دێ قه‌له‌بالغا ترۆمبێلان ل سه‌ر جاده‌یان كێم بیت.



سندورى ئاشكرا ژى كر كو هه‌تا نها مه‌ ده‌ست ب جهئینانا ڤى پرۆژه‌ى نه‌كریه‌، چونكو د چه‌ند سالێن بۆرى دا قه‌یرانا دارایى هه‌رێمێ ڤه‌گرتبوو.
bas news-