ل ئاكرێ كنیسێتەكا سەردەمێ جوهیان هەرفیا
هیوا شەمال، رێڤەبەرێ شونەوارێن ئاكرێ، راگەهاند: "دەڤەرا ئاكرێ یا دەولەمەندە ب چەندین جهێن شونەواری یێن پرانیا ئایین و پێكهاتەیێن جودا كو مێژوویا وان گەلەك یا كەڤنارە، بەلێ ژبەر بارانبارینێ پشكەكا وان ژناڤچوویە و خەلك ژی بەردەوام بزاڤا تێكدانا وان دكەن و پێدڤیە بهێنەڤ نوژەنكرنەڤە. ل دەمێ بارانبارینێ زیان ب چەندین جهێن شونەواری كەفتیە ل دەڤەرێ".
گۆتژی: "ژ ئەگەرێ بارانبارینێ ل دەڤەرا ئاكرێ كنیسێتەكا جوهیان ل گوندێ شوش پشكەكا وێ ژناڤچوویە و زیانێن مەزن بەر ب وێ كەفتینە ژ سەدەمێ بارانبارینێ. مێژوویا وێ ڤەدگەرێت بۆ چارسەدەیا بەریا نۆكە. مێژوویەكا مەزن هەیە ڤێ كنیسێتێ، مەترسی ژی لسەر چەندین جهێن شونەوارێن دی هەیە ل دەڤەرێ".
تەكەز كر: "ل ئاكرێ نێزیك 700 هێماو جهێن شونەواری هەنە وەك كەله و پەرستگەه و شكەفت و ئاش و گەلەك شونەوارێن دی كو مێژوویا وان ڤەدگەرێتەڤە بۆ چەندین سەدەیا بەریا نۆكە. ئەگەر بۆدجەك بۆ بهێتە مەزاختن دێ پرانیا وان نوژەنكەینەڤە و ئەگەر نەهێنە نوژەنكرن خەلك دەسكاریا وان دكەت و دێ مێژویا وان بەرزەبیت و ژناڤچیت".
باسنيوز
