ل تلكێفێ زیندانا داعش ترس بۆ ڤەگەریانا خێزانێن مەسیحی دروستكریە
ئەمجەد شێخ رەشۆ، ئەندامێ جڤاتا قەزا تلكێفێ دیار كر: "ئیدارا تلكێفێ داخواز ژ ئەندامێن جڤاتا نوونەرێن عێراقێ كریە بێدەنگ نەبن لسەر هەبوونا زیندانا تیرۆرستێن داعش ل تلكێفێ چونكو دروستە نینە تیرۆرستێن داعش زیندانەكی دا ل تلكێفێ بهێنە زێندانكرن ژبەركو ترس بو خەلكێ دروست دبیت بتایبەتی ژی 300 خێزانێن مەسیحی نەشێن ژ بەر مەترسیا ڤان تیرۆرستێن داعش ڤەگەرن. لەورا مە داخواز كریە زیندانا تیرۆرستێن داعش ژ تلكێفێ بهێتە ڤەگوهاستن بۆ جهەكی دی داكو پتر باوەری بۆ خەلكێ دروست بیت و ڤەگەرنە سەر جهێن خوە ل دەڤەرێ".
خویا ژی كر: "ژبەر حەشدا شەعبی و هەبوونا زیندانەكی ل تلكێفێ بۆ زیندانیكرنا تیرۆرستێن داعش خەلك نەشێن ڤەگەرن. نۆكە بتنێ هەتا حەفت مالێن مەسیحیان یێن زڤرین، دۆرین 300 مالان هێشتا نەزڤرینە".
باسنیوز
