شاندێکی پارتی دیموکراتی کوردستان گەیشتە شاری سلێمانی و لەگەڵ یەکێتیی نیشتمانیی کوردستان پرسی پێکهێنانی کابینەی نوێی حکوومەتی هەرێمی کوردستان تاوتوێ دەکات.



لەمبارەیەوە سه‌عدی ئه‌حمه‌د پیره‌، گوته‌بێژی فەرمیی یه‌كێتی بە ماڵپەڕی فەرمیی حزبەکەی ڕای گەیاندووە، سه‌عات 11ی ئه‌مڕۆ سێشه‌ممه‌ ١٨ی ١٢ی ٢٠١٨، شاندی پارتی و یەکێتی له‌ باره‌گای مه‌كته‌بی سیاسیی یه‌كێتی له‌سێمانی بەڕێوە دەچێت.



ڕوونیشی کردووەتەوە کە کۆبوونەوەکە لەبارەی دوایین پێشهات و گۆڕانکارییەکانی کوردستان و عێراق و پێکهێنانی حکوومەتی نوێی هەرێمی کوردستانە.



ئاماژەشی بەوە دابوو کە شاندەکەی پارتی بە سەرۆکایەتیی ئازاد بەرواری و ئەندامێتیی (مەحموود محەمەد، هێمن هەورامی و فرسەت سۆفی) سەردانی هەردوو لایەن دەکات.




باسنیوز