هەڤوەلاتیێن دهۆکێ دخوازن ئالایێ کوردستانێ ببیتە هێما و ئێکگرتنا هەمى کوردستانیان ل ژێر سیبەرا وى ئەڤ وەلاتە ب هەر چوار پارچەیێن خوڤە ئازاد ببیت و نەهێلن چ بێ رێزى بەرامبەر پیرۆزیا ئالایێ کوردستانێ بهێتە کرن.



ل 11 هەیڤا 11ى سالا 1999ێ، پەرلەمانێ کوردستانێ ب فەرمى بریاردا 17/ 12 ببیتە رۆژا ئالایێ کوردستانێ یێ کۆ ب چوار رەنگا پێک دئێت (کەسک و سور و سپى و رۆژەکا زەر دنیڤێ دا)، کۆ ل ڤێ رۆژێ شەهیدێ سەرکردە قازى محەمەدى سەرۆکێ کومارا کوردستانێ ئەڤ ئالایە رادەستێ سەرکردەیێ نەمر مەلا مستەفا بارزانى کر بوو.



بۆ ڤێ مەرەمێ ئەحمەد سالم، دوکاندار بۆ مالپەرێ فەرمیێ پارتى دیموکراتى کوردستان گۆت:" رۆژا ئالایێ کوردستانێ هێما بەرخودانیێ یە و هەستەکێ نەتەوایەتیى لدەڤ خەلکێ کوردستانێ دیار دبیت، کۆ بو چەندین سالایە ئەڤ رۆژە ب خەملەکا جوداتر دئێتە ساخکرن، هیڤى یە ئەڤ ئالایە ببیتە ئالایێ سەرتاسەریێ هەر چوار پارچەیێن کوردستانێ".



ژیان دوسکى، ماموستایا سەرەتایى بۆ مالپەرێ فەرمیێ پارتى دیموکراتى کوردستان زەلالکر:" ئالایێ کوردستانێ پیرۆزیا خو هەیە و چەندین سالا مە خوین لژێر سیبەرا وىچ ئالایى دایى بێخەمەت ئازادکرن و رزگارکرنا کوردستانێ و ئەڤرۆ ئەم دبینین ئەڤ ئالایە ل هەمى دونیایێ ب فەرمى دئێتە راگرن، ژبەر هندێ ساخکرنا رۆژەکێ بۆ ئالایێ ئەرکەکێ نەتەوەیى یە بۆ هەر کوردستانیەکى یە لسەر ئەردێ ڤى وەلاتى دژیت".



ناهیدا سەلیم، مامۆستایا زانکۆیێ بۆ مالپەرێ فەرمیێ پارتى دیموکراتى کوردستان خویاکر:" دخوازم ئالایێ کوردستانێ ببیتە هێما و ئێکگرتنا هەمى کوردستانیان لژێر سیبەرا وى ئەڤ وەلاتە ب هەر چوار پارچەیێن خوڤە ئازاد ببیت و نەهێلن چ بێ رێزى بەرامبەر پیرۆزیا ئالایێ کوردستانێ بهێتە کرن، جونکى خوینا شەهیدان و زەحمەتا خەلکێ کوردستانێ یا ب ساناهى نە بوویە و ئەڤ قوربانیا وەلاتیان لبن سیبەرا ڤى ئالایى ژبۆ دەولەتا کوردستانێ دایە".



موسا شێخکى، فەرمانبەر بۆ مالپەرێ فەرمیێ پارتى دیموکراتى کوردستان ئاخڤت:" رۆژا ئالایێ کوردستانێ ژبۆ هندێ یە دونیا هەمى بزانیت کورد خودان هەلویستێن خویێن نەتەوەیى نە و هەر دەم پیرۆزیێن خو رادگرن و دخوازم ئەڤ ئالایە ببیتە ئالایێ هەمى کوردان ل هەر پارچەیەکا جیهانى و ب پیرۆزى بەریخو بدەنە ڤى ئالایى و ب پارێزن".



دڤی بیاڤی ژی دا،بەرپرسێ دەزگەهێ پاراستنا ئاڵایی کوردستانێ ل پارێزگەها دهۆکێ ڕاگەهاند، د ڤێ ڕۆژا پیرۆز دا وان هەموو بەرهەڤی کربوون کو ئاڵایەک مەزن ژی ل ناڤەندا پارێزگەهی هاتە بلند کرن.



پەهلەوان شێخ مەم، بۆ ماڵپەرێ فەرمیی یێ پارتی دیموکراتی کوردستان دیارکر، ئەو ڤێ رۆژێ بلند دنرخینن و وان چەندین چالاکی ژبۆ ڤێ مەرەمێ هەبوون .



هەر سال نیزیکى 40 ملیون کورد ل هەر چوار پارچەیێن کوردستانێ رۆژا ئالایێ کوردستانێ ساخ دکەن، ئەڤ سالە ژى ب هەمان روحیەت ئەڤ رۆژا نەتەوەیا پیرۆز هاتە ساخکرن.

kdp-