بەھۆی ئاگرکەوتنەوە لە قوتابخانەیەکی ھەولێر دوو مامۆستا بریندار بوون
سەرلەبەیانی ئەمڕۆ یەکشەممە ١٦\١٢\٢٠١٨ لە قۆتابخانەی "ئاھەنگ"ی تێکەوڵاو لە ھەولێر بەھۆی کەوتنی زۆپاوە، ئاگر لە یەکێک لە پۆلەکانی قوتابخانەکە کەوتووتەوە و بەو ھۆیەشەوە دوو مامۆستا بەناوەکانی (وشیار و پێشڕەو) بریندار بوون و ڕەوانەی نەخۆشخانەی فریاکەوتنی ھەولێر کراون.
لەو بارەیەوە دلێر عەبدوڵا، بەڕێوەبەری پەروەردەی ناوەندیی ھەولێر ڕووداوەکەی پشتڕاست کردەوە ڕايگەیاند: "ڕووداوەکە ڕاستە و لە کاتی پشوودا قوتابییەکان چونەتە دەرەوە و یەکێکیان بەر زۆپاکە کەوتووە و ئاگرەکە کەوتووەتەوە، بەڵام تەنیا ئاگرکەوتنەوەیەکی سووک بووە، بەڵێنی چاککردنی ئەوەشیان پێ دراوە".
قوتابخانەی ئاھەنگی تێکەڵاو پۆلی یەکی بنەڕەتی تا شەشی بنەڕەتی تێدایە، بەڕێوەبەری پەروەردەی ھەولێر گوتیشی: "قوتابخانەکە نزیکی پەروەردە و سایلۆی ھەولێرە".
باسنيوز
