بەڕێوەبەری ڕاگەیاندنی وەزارەتی پەروەردەی حکوومەتی ھەرێمی کوردستان، لەبارەی ڕۆژانی پشوو ڕوونکردنەوە دەدات.

ئەمڕۆ یەکشەممە 16/12/2018، شۆڕش غەفووری، بەڕێوەبەری ڕاگەیاندنی وەزارەتی پەروەردە ڕوونکردنەوەیەکی بڵاو کردەوە، تێیدا ھاتووە: "ئەو نووسراوەی ئەنجومەنی وەزیران کە لە چەند ماڵپەڕێک بڵاو کراوەتەوە، لە بەرواری 18/3/2015 دەرچووە، واتە ھی ئێستا نییە".

دەشڵێت: "ئێمە وەک وەزارەتی پەروەردە ساڵنامەی تایبەت بە خۆمان ھەیە، کە پشووەکانی تێدا دیاری کراون و لەسەری دەڕۆین، تەنیا ئەو کاتانە نەبێت، کە گوتەبێژی حکوومەتی ھەرێمی کوردستان پشووە فەرمییەکان ڕادەگەیەنێت، ئەگەر ناوی پەروەردە یان گشتیش بھێنن، ئێمە پێی پاپەند دەبین".