لەبارەی ڕۆژی ئاڵای كوردستان داوایەك ئاراستەی قوتابخانەكان دەكرێت
یووسف ناودەشتی، لێپرسراوی ڕاگەیاندنی پەروەردەی ڕانیە ڕاگەیاند: سبەینێ دووشەممە ١٧/١٢/٢٠١٨ بە ڕۆژی ئاڵای كوردستان دیاری كراوە، بۆیە پلانمان داناوە كە چەندین چالاكی لە قوتابخانەكان بەڕێوە ببەین.
گوتیشی، بۆ ئەو مەبەستە داوامان ئاراستەی قوتابخانەكان كردووە لە قوتابخانەكانیان ئەو یادە بەرز و پڕشكۆ ڕابگرن و چالاكیی جۆراوجۆر ئەنجام بدەن.
ڕوونیشی كردەوە لەو ڕۆژەدا قوتابیان و مامۆستایان بۆیان هەیە جلی ئاڵ و واڵا لەبەر بكەن و زانیاری لەسەر ئەم ڕۆژە بۆ قوتابییان ڕون بكرێتەوە.
باسنیوز
