سیاسەتمەدارەکی باکووری کوردستانێ دبێژیت، ناکۆکییێن جیھانی ژ بۆ چارەسەرکرنا کێشەیا کوردستانێ دەرفەتێن مەزن دەرخستیە ھۆلێ. سیستەمێن جیهانی تێکچۆن و نها جیهان بۆ خۆ ل سیستەمەکا نووی دگەرێت، ئەڤ لێگەرین وەک ئاڤابوونا “سیستەما کۆما ملەتان” و “سیستەما نەتەوەیێن یەکبوویی" د سەر شەرێ جیهانێ بۆریت. ئەم ڤێ لێگەرینێ دشێێن وەکە شەرێ جیھانیێ سێیەمین ب ناڤ بکەین.

فواد ئۆنەن، د لێدوانەکا تایبەتدا بۆ ماڵپەڕی فەرمیی یێ پارتی دیموکراتی کوردستان گۆت:'' پرانیا دەولەتێن ھەیین یان د ناڤ شەرێ جیھانێ دا یان ژی پشتی شەرێ جیھانێ ئاڤا بوون. چارەسەرکرنا کێشەیا کوردستانێ ژی دەولەتبوونا کوردستانێ یە. گیانێ ڤێ دەمێ بانگا ئێکەتی و سەرخوەبوونا کوردستانێ ل کوردستانییان دکەت.

گۆتژی:'' دڤێت کورد ب خوە باوەر بن و د ڤی شەرێ جیھانى یێ سێیەم دا ئێکەتی و سەرخوەبوونا کوردستانێ ژ بۆ خۆ بکەنە مژارا مان و نەمانێ. بێ کو ئارمانجەکا ستراتیژیک ئەم نەشێن بکەینە کردارەک سیاسی. و دڤێت ل سەر ڤێ ئارمانجێ ب بەردەوام بین، ب لەزگینی ئێکەتیا خوە پێکبینینن، ھەموو ئاوایێن تێکۆشینێن ل دژی داگیرکەریێ ژ بۆ مە رەوانه.. شەرەکی دەمدرێژ ل پێشییا مەیە. مە شەر ل سەر کەسی فەرز نە کریە. چار دەولەتێن داگیرکەر ب ئارمانجا ژ ھۆلێ راکرنا راستەقینییا وەلات و ملەتێ مە شەر ل سەر مە فەرز کرنه.

د دەربارەی مژارا رۆژئاڤایێ کوردستانێ دا دیار کر، ب ناڤێ باکورێ سووریێ وەلاتەک یان مللەتەک نینە. لێ ب ناڤێ رۆژاڤایێ کوردستانێ ھەیە و پارچەیەک ژ کوردستانێ یە. باکورێ سووریێ پرۆژەیا ئامەریکییانە. ئەگەر پێویستی ب بەشداربوونا ڤێ پرۆژەیێ ھەبیت، دڤێ ئەڤ تەڤلێبوون ب ئێکەتیا تەڤدەم و ئەنکسێ بیت و ژ ئامەریکییان گارانتییا یەکیتییا ئاخا رۆژاڤایێ کوردستانێ و ستاتویەکە سەربخوە یان کۆنفیدرال بهیته خواستن.
kdp-