پارێزگارێ دهوكێ رونكرنهكێ لدور وهغهرا هونەرمەند محهمهد ئهترۆشى بهلاڤ دكهت
پشتى ئهڤرۆ د كاودانهكێ نهچاڤهرێكرى دا، هونهرمهند و رۆژنامهڤان محهمهد عهلى ئهترۆشى ژ ئهگهرێ نهخوشیهكێ وهغهرا دوماهیێ كرى، درهنگه ئێڤاریا ئهڤرۆ ، ل مزگهفتا (جودى) ل دهوكێ ب ئامادهبونا هژمارهكا مهزن یا رۆژنامهڤان و هونهرمهند و بهرپرس و خێزانان نڤێژا وهغهرێ ل سهر هاته كرن و دویڤ دا تهرمێ وى بهرهڤ گورستانا (شاخكێ) لدهوكێ ب رێك ئێخست و دویڤ دا تهرمێ وى بو ئاخێ هاته رهوانهكرن.
فهرهاد ئهمین پارێزگارێ دهوكێ ل دور وهغهرا دوماهیێ یا هونهرمهند و رۆژنامهڤان محهمهد عهلى ئهترۆشى رونكرنهك بهلاڤ كر و دیاركر: "هونهرمهند و رۆژنامهڤان محهمهد عهلى ئهترۆشى ئێك ژ وان كهسان بویه كو د دیروكێ دا ناڤێ وى هاته توماركرن و خزمهتا دهوكێ كریه و هونهرمهند و رۆژنامهڤانهك بویه كو ههمو خهلكێ دهوكێ دیدهڤانێ خزمهتا وى نه".
پارێزگارێ دهوكێ بو گوت ژى: "محهمهد عهلى د ژیهكێ كورت دا خزمهتهكا مهزن د بوارێ راگههاندنێ و هونهرى و شانو و سینهمایێ دا خزمهتا خهلكى كریه و ههمو دهوكێ ئهو خزمهتكاره ژ دهستدایه و گوت ژى: خودێ ژێ رازى ژ ههژى ههر تشتهكێ بو و زێدهبارى كو ئێك ژ كادرێن پێشكهفتى یێن (پ.د.ك) بو لهورا بو وهغهرا وى ئهڤرۆ ههمى خهلكێ دهوكێ خهمگینه و دلگرانین ب وهغهرا وى لێ مرن رێكا مه ههمیانه و ژخودێ دخازین جهێ وى بهههشتا بهرین بیت".
ههژى گوتنێ یه رۆژنامهڤان و هونهرمهند محهمهد عهلى ئهترۆشى ژ دایك بویێ سالا (1969) یه و ئاكنجیێ باژێرێ دهوكێ بو و خێزاندار بو ، هونهرمهند و رۆژنامهڤان بو ، ل زانكویا پولیتهكنیكى یا دهوكێ ب سهدان خوێنكاران ل بهر دهستێ وى فێرى كارێ راگههاندنێ بوینه و چهندین كارێن هونهرى و شانو و سینهماى و دیكومێنتارى ئهنجام داینه، و بو دهمێ چوار سالانه بهرپرسێ نڤیسینگهها پارێزگارێ دهوكێ بو،لێ ب دلگرانى ڤه ئێڤاریا ئهڤرۆ ل رێكهفتى 2/9/2018 ژ ئهگهرێ ههبونا نهخوشیا دلى وهغهرا دوماهیێ كر و ژڤانه سوبههى ل مزگهفتا (حهجى ئهحمهد) ل دهوكێ رێورهسمێن تازیا وى برێڤه بچن.
bas news-
