به‌رپرسێ بنگه‌هێ لالش یێ ره‌وشه‌نبیرى وكۆمه‌لایه‌تى ل سنۆنێ دیاركركو ئه‌ڤرۆ 14/8/2018 بیروه‌ریێن تراژیدیێن كوردێن ئێزدى ل كۆمه‌لگه‌ها شاریا ب چه‌ندێن چالاكیێن هه‌مه‌ جۆر دهێنه‌ ساخكرن.



د. سلێمان فانۆ، به‌رپرسێ بنگه‌هێ لالش یێ ره‌وشه‌نبیرى وكۆمه‌لایه‌تى ل سنۆنێ دیاركر: "به‌رى چه‌ند سالان تیرۆرستان هژماره‌كا ترۆمبیلێن مینرێژكرى ب خه‌لكێ سڤیل یێ كۆمه‌لگه‌ها سیبا شێخدرى و گرعزیر ڤه‌ په‌قاندن دئه‌نجامدا هزاره‌ها كه‌س بوونه‌ قوربانێ هه‌تا نها ژى خه‌لكێ بریندارى وێ كاره‌ساتى یه‌ چه‌ندین كه‌س تێدا هاتنه‌ كوشتن وپه‌لكه‌ڤتى بوون ل ل رۆژا 15/8/2014 رێكخراوا تیرۆرستێن داعش گۆندى كوچو دوورپیچ كرن پتر ژ 1700 كه‌سێن ئێزدى ژ هه‌ردوو ره‌گه‌زان دسته‌سه‌ركرن هه‌تا نوكه‌ ژى هژماره‌كا وه‌لاتیان بێ سه‌روشینن و 13 گۆرێن بكۆمدا چه‌ندین كه‌س هاتینه‌ گولله‌بارانكرن هه‌تا نوكه‌ به‌غدا بۆ لیقه‌ومایێن كاره‌ساتا كوچو چوو نه‌كریه‌".



خۆیا ژى كر: "چواره‌مێن سالڤه‌گه‌را كاره‌ساتا كوچو دا ئه‌م داخازى دكه‌ین حكومه‌تا عێراقى پشته‌ڤانیا جینوسایدا كوردێن ئێزدى بكه‌ت و پێنگاڤان بۆ رزگاركرنا ره‌ڤاندیێن ئێزدى بهاڤێت وكار بۆ ئاڤه‌دانیا ده‌ڤه‌را شنگال بكه‌ت وقوربانیێن جینوسایدا شنگال بهێنه‌ قه‌ره‌بوو كرن".
bas news-