رێڤه‌به‌رێ ناحیا زومار دیاركر، کو به‌رێ نوكه‌ ل زومار 24 ده‌مژمێران كاره‌ب هه‌بوو لێ نوكه‌ ره‌وشا كاره‌ب به‌ره‌ڤ خرابى چوو نوكه‌ گه‌هشتینه‌ وێ ئاستى خه‌لك بێ كاره‌ب بمینن هنده‌ك رۆژان هه‌ر نێنه‌.



ئه‌حمه‌د جه‌عفه‌ر، رێڤه‌به‌رێ ناحیا زومار بۆ دیاركر: "محاولێن كاره‌بى ژ كاركه‌ڤتینه‌ وكه‌س نێنه‌ چاره‌سه‌ر بكه‌ت هه‌تا نوكه‌ ئێدارا مووسل و حكومه‌تا عێراقى چوو پێنگاڤ بۆ چاره‌سه‌ركرنا ئاریشه‌ كاره‌بى ل زومار نه‌هاڤیتنه‌ پتر ژ (65) محاویلێن كاره‌بى ژكاركه‌ڤتینه‌ ونه‌هاتنیه‌ چاره‌سه‌ركرن نوكه‌ خه‌لك ده‌ڤه‌رى ژ كاره‌ب گه‌له‌ك بیزاربووینه‌ چونكو ئه‌و كاره‌ب به‌رى 16 ئوكتوبه‌رى بۆ زومار دهات نوكه‌ نه‌مایه‌ ژ 24 ده‌مژمیران نوكه‌ هنده‌ك رۆژان هه‌ر كاره‌ب نێنه‌ ره‌وشه‌كا گه‌له‌ك نه‌باش دروستبوویه‌".



خۆیا ژى كر، کو نه‌ جاره‌كێ به‌لكو گه‌له‌ك جاران مه‌ داخازا چاره‌سه‌ركرنا ئاریشین كاره‌با زومار كریه‌ لێ هیچ تشته‌ك نه‌هاتیه‌ كرن نوكه‌ زومار هاتیه‌ پشتگوه هاڤیتن به‌رى چه‌نده‌كێ بۆ ره‌بیعه‌ و هنده‌ك ده‌ڤه‌رێن دێ محاویلێن كاره‌بى هاتنه‌ دابینكرن لێ چوو محاوله‌ بۆ زومار دابین نه‌كرن.



ئاشكرا كر، کو نوكه‌ ئه‌م چاڤه‌رینه‌ ریێا سحیلا بۆ زومار بهێته‌ ڤه‌كرن وجاره‌كا دێ زومار ودهۆك پێكڤه‌ بهێنه‌ گرێدان به‌لكو هنده‌ك ژ ئاریشین ده‌ڤه‌رێ بهێنه‌ چاره‌سه‌ركرن.
bas news-