رێڤه‌به‌رێ نڤیسینگه‌ها رزگاركرنا ره‌ڤاندیێن ئێزدى یا سه‌ر نڤیسینگه‌ها سه‌رۆكێ حكومه‌تا هه‌رێما كوردستانێ ڤه‌ دیاركر، کو خاچا سۆر یا نێڤده‌وله‌تى دێ رابیت ب كارى لیگه‌ریان و رزگاركرنا ره‌ڤاندیێن ئێزدى دناڤ گرتیخانیێن حكومه‌تا عێراقى دا.

حۆسین كورو قائیدى، رێڤه‌به‌رێ نڤیسینگه‌ها رزگاركرنا ره‌ڤاندیێن ئێزدى یا سه‌ر نڤیسینگه‌ها سه‌رۆكێ حكومه‌تا هه‌رێما كوردستانێ، دیاركر: "داخاز ژ خاچا سۆر یا نێڤده‌وله‌تى هاته‌ كرن هه‌ڤكاریى بكه‌ت بۆ رزگاركرنا ره‌ڤاندیێن ئێزدى دناڤ گرتیخانیێن عێراقى دا مه‌ پێزانیێن هه‌نه‌ هنده‌ك ژ ره‌ڤاندیێنى ئێزدى دناڤ گرتیخانیێن عێراقى دانه‌ ئه‌م چاڤه‌رینه‌ خاچا سۆر یا نێڤده‌وله‌تى و كۆمه‌لگه‌هێ نێڤده‌وله‌تى ده‌ست ب رزگاركرنا وان ره‌ڤاندیێن ئێزدى بكه‌ن ل عێراقى هه‌تا نوكه‌ پتر ژ 3100 ره‌ڤاندیێن ئێزدى ماینه‌ هیشتا چاره‌نڤیسى وان دیارنه‌بووینه‌“.

خۆیا ژى كر: "ل جینوسایدا شنگال 6417 كه‌س هاتبوونه‌ ره‌ڤاندن ژوانا ژى 3548 كچ وژنن بوون و2869 زارۆك وزه‌لام بووینه‌ هه‌تا نوكه‌ 3315 كه‌س ژ ده‌ستێن تیرۆرستێن داعش رزگاربووینه‌ ژوانا ژى 1155 ژن وكچن و337 زه‌لامن و 953 زارۆكێن كچن و870 زارۆكێن كورن هه‌تا نوكه‌ 3102 كه‌س ده‌ستێن تیرۆرستێن داعشدا ماینه‌ ئه‌وژى 1440 ژ ره‌گه‌زى مێ نه‌ و 1662 ره‌گه‌زى نێرن".









باسنيوز