وەلید گێتان، سەرۆکی ئەنجومەنی پارێزگای بەسرا لە دیمانەیەکی ماڵپەڕی فەرمیی پارتی دیموکراتی کوردستاندا دەڵێت، مافی خۆیانە ببنە هەرێمێکی سەربەخۆ و کەس ناتوانێت بەرانبەر ئەو مافە بوەستێت.

KDP.info : ڕاتان لەسەر ئەم خۆپێشاندانە چییە کە لە عێراقدا دەکرێن؟

وەلید گێتان: ئەو خۆپێشاندانانە مافێکی ڕەوایە و هیچ کەس و لایەنێكیش ناتوانێت بەرامبەریان بوەستێت و مافی خەڵکە داوای داهاتیان بکەن، چونکە شارەکانی عێراق لەوپەڕی خراپیدان.

KDP.info : خۆپێشاندانانی شارەکانی عێراق داوای دابینکردنی خزمەتگووزاری دەکەن، ئەی شاری بەسرا چی؟

وەلید گێتان: خۆپێشاندانەکانمان بۆ ئەوەن شارەکەمان ببێتە هەرێمێک و خەڵکی شارەکە خۆی بەڕێوە ببات و داهاتەکەیان ڕادەستی هیچ کەس نەکەن.

KDP.info : هەندێک لایەنی عێراقی لە دژی هەرێمبوونی بەسرا دەوەستن، ڕاتتان بۆ ئەمانە چییە؟

وەلید گێتان: ڕاستە هەندێک لایەن هەن لە دژی ئەوەن شارەکە ببێتە پارێزگا، هەر ئەوانەن داهاتی شاری بەسرا بۆ خۆیان دەبەن، بەڵام ئێمە بە پێی دەستوور مامەڵە دەکەین و ئەوان نازانن هەنگاوی دەستووری بۆ بەهەرێمبوونی شارەکان چین.

KDP.info : بیرۆکەی بەهەرێمبوونی بەسرا هەرکات خزمەتگوزاری نەکرێت دێتە هزرتان، یان پێشتریش ئەو بیرۆکەیەتان هەبوو؟

وەلید گێتان: نا. نەخێر، لە کۆنەوە ئەم بیرۆکەی بەهەرێمبوونەی بەسرامان هەبووە، بەڵام هەندێک کۆسپیان دروست دەکرد و هەموو هێز و لایەنەکانی شاری بەسرا لەگەڵ بەهەرێمبوونی بەسران.

KDP.info : چ هەنگاوێکتان هاویشتووە بۆ بەهەرێمبوونی بەسرا؟

وەلید گێتان: زیاتر لە سێ بەشی ئەندامانی ئەنجومەنی پارێزگای بەسرا واژۆیان لەسەر بەهەرێمبوونی شارەکەمان کردووە و خەڵکی شاری بەسرا لەگەڵ ئەوەدان شارەکە بکرێتە هەرێم و ئەمە ئیرادەی خەڵکەکەیە و لە ساڵی ٢٠١٥ـەوە داومان کردبوو، بەڵام لەبەر چەند هۆکارێک ئەوکات داواکەمان ڕەت کرایەوە.

KDP.info : ئێوە دەڵێن لەسەر بنەمای دەستوور داوای بەهەرێمبوونی بەسرا دەکەن، ئەوە لەسەر چ بنەمایەکی دەستوور؟

وەلید گێتان: لە یاسای ١٣ی ساڵی ٢٠٠٨دا کە تایبەتە بە هەرێمەکان لە دەستووردا هاتووە هەمووان مافی خۆیانە داوای بەهەرێمبوون بکات و هەریمبوونی بەسراش چارەی تەواوی کێشەکانە.

ماوەیەکە لە شار و شارۆچکەکانی باشووری عێراق خۆپێشاندان دەکرێن لەبەر نەبوونی خزمەتگووزاری، بەتایبەت لە شاری بەسرا خەڵک داوا دەکەن شارەکەیان بکرێتە هەرێم.


بەسرا سێیەمین شاری هەرە گەورەی عێراقە و بە پایتەختی ئابووریی عێراق دادەنرێت و شارێکی پڕ لە نەوتە و دانیشتوانەکەی بە نزیکەی ملیۆن و نێوێک مەزندە دەکرێت بە پێی سەرژمێرییەکانی سالێ ٢٠١٤.
KDP-