جارەکا دی چەکدارێن پارتیا یەکێتیا دیموکراتیك ''پەیەدێ'' دەست ب رەڤاندنا سەرکردە و ئەندامێن ئالیێن سیاسی یێن هزر جیاواز ژ وان کرەڤە و ب تایبەت سەرکردەیێن ئەنجوومەنێ.

ب گۆرەی گۆتنا سەرکردەیێن ئەنجوومەنا نشتیمانی کورد ل سوریا هەتا نها ١٠ سەرکردەیین ئەنەکەسێ ژمارەیەکا زۆر یا ئالیگر و کادرێن ئەنجوومەنی د گرتیخانێن پەیەدێ دانە و چارەنڤیسێ وان نەدیارە.

چالاکڤانەکی سیاسی ب ناڤێ ئسماعیل شەریف ل رۆژئاڤایی کوردستانێ بۆ ماڵپەڕێ فەرمیی یێ پارتی دیموکراتی کوردستان گۆت: جارەکا دی پەیەدێ دەست ب رەڤاندنا ئەندام و ئالیگرێن پارتێن جیاواز کرەڤە یێن کو دهزر جودا ژ وان و دوهی ژی دوو سەرکردە ژی ڕەڤاندینە.

ب گۆرەی زانیارێین ماڵپەرێ فەرمیی یێ پارتی دوهی چەکدارێن پەیەدێ ئێڕشی مالا '' عەبدلحەمید خەلیل و عەبدلمەجید موسا'' هەردوو سەرکردەیێن پەدەکەسێ کرن ڕەڤاندینە جهەکی نەدیار.

ناڤهاتی ئاشکەرا ژی کر، دوهی چەکدارێن پەیەدێ دوو سەرکردەیێن پەدەکەسێ ل باژارێ سەرێ کانێێ رەڤاندینە و نها چارەنڤیسیێ وان نەدیارە .

شەریڤی خویاژی کر، بەریا دوو رۆژان ژی دیسان چەکدارێن پەیەدێ ئیڕشێ مالێن سەرکردە و ئەندامێن ئەنجوومەنا نشتیمانی ژی کربوون و سفکاتی ب وان هاتبوو کرن.

ئەڤە ددەمەکی دایە نها پەیەدێ ڕیکەفتنا ژێر ب ژێر لەگەل رژێما سوریا دکەت و ڕێکی نادەت پارت و لایەنێن کوردی کاروخەباتا خۆیا سیاسیی ل رۆژئاڤا بکەن.

ئەنجوومەنا نشتیمانی یا کورد ل سوریا ئەنجوومەنەک سیاسییە پێکدهێت ژ کۆمەلەک پارت و ئالێێن سیاسیی یێن جودا ل ساڵا ٢٠١١ هاتیە دامەزراندن
kdp-