بەڕێوەبەرایەتی پۆلیسی پارێزگای سلێمانی له‌ به‌یاننامه‌یه‌كدا برینداربوونی 11 كرێكاری بیانی له‌ ته‌قینه‌وه‌ی كوره‌یه‌كی ئاسن له‌ سنووری ئه‌و پارێزگایه‌ راگه‌یاند.

به‌گوێره‌ی به‌یاننامه‌كه‌، پاشنیوەڕۆی ئەمڕۆ 23 -7-2018، بەهۆی تەقینەوی كورەیەكی ئاسن لە كارگەی ئاسنی "ئەن فاستلین" لەنزیك گوندی كانی شەیتان، 11 كرێكار برینداربوون كە 8ـیان بەڕەگەز خه‌ڵكی هندستانن و 3ی دیكه‌ش عەرەبن.

دوای گەیشتنی هێزەكانی پۆلیس و تیمەكانی دیكه‌ی فریاگوزاری 4 لەو بریندارانە ڕەوانەی نەخۆشخانەكانی سلێمانی كران و، بریندارەكانی دیكه‌ش بۆ نەخۆشخانەیه‌كی قەزای چەمچەماڵ گوازرانەوە.

دوای رووداوه‌كه‌ش بنكەی پۆلیسی بەردەقارەمان پەڕاوی لێكۆڵینەوەی بۆ هۆكار و چۆنیه‌تی رووداوه‌كه‌ كردووه‌ته‌وه‌.
k24-