رێڤەبەرێ ناحیا دەرکارێ ل قەزا زاخۆ دیارکرکو چار قنینێن مینرێژکری بن جادا ناحیا دەرکارێ ھاتنە دیتن ودەملدەست ھێزێن ئەمنی ھاتنە ئاگەھدارکرن بۆ راکرنا وان وپاراستنا گیانێ وەلاتیان.

زێرەڤان مووسا ئیسماعیل، رێڤەبەرێ ناحیا دەرکارێ ل قەزا زاخۆ،دیارکر: "ئەڤ ھەر چار قنینێن مینرێژکری ژلایێ پەکەکێ ڤە ھاتبوونە دانان دقسیسەکا ئاڤێدا. بەری چەند رۆژان وان ڤیا بپەقینن دبن جادا دەرکارێدا لێ خۆشبختانە مە نەھێلان ئەو قنینێن مینرێژکری بھێنە پەقاندن. ئەو پلانا وان ھاتە ژناڤبرن و تیمێن تایبەتمەند سێ ژوان راکرن ویێ چارێ ژی نەھاتە راکرن ئەو ھاتە پەقاندن. پچەکی زیان گەھاند لایەکی جادێ و تیمێن باژێرڤانیی ئەو جھ نوژەن کرن بۆ ھاتن وچوونا وەلاتیان".

خویا ژی کر: "ئەڤرۆ 11/12/2017 مە سەرەدانا وی جھی کر وھاتن وچوون زۆر ئاسایێ یە ل سەر وێ جادا قنینێن مێنرێژکری ل بن ھاتینە دانان. ئەم دەستخۆشی ل ھەموو وان کەسان ولایەنان دکەین یێن بووینە ھاریکار بۆ راکرنا وان قنینێن مێنرێژکری".












باسنیوز