سەرەڕای ئەوەی یەک مانگە بەسەر روودانی بەەمەلەرزە 7.3 ڕیشتەرییەکی کرماشاندا تێدەپەڕێت، ڕۆژ لە دوای ڕۆژ ئامار و ژمارەی قوربانییەکان زیاتر دەبن.

لەمبارەوە ئارتین کەماڵی، سەرۆکی پزیشکی یاسایی پاریزگای کرماشان، دوایین ئاماری گیانلەدەستداوان و بریندارانی بوومەلەرزەکەی ئاشکرا کرد و پاش ئاشکرابوونی ناوی 40 کەسی دیکە لە قوربانیان، ڕێژەی قوربانییەکان گەیشتووەتە 620 کەس.

ئەو بەرپرسەی پزیشکی یاسایی کرماشان ڕاشی گەیاندووە: "ئەو 41 کەسەی کە ناسنامەیان ئاشکرا بووە، هەموویان هی سەرپێڵ‌زەهاون، 40 کەس لەلایەن زانکۆی زانستی پزیشکی و کەسێکیش لەلالەی کۆمیتەی پشکنینەوە ناسێندراوە."

زیادبوونی ڕۆژانەی ڕێژەی گیان لەدەستداوانی بوومەلەرزەکەی کرماشان لە کاتێک دایە کە هەر لە ڕۆژانی یەکەمەوە خەڵک باسیان لە 300 قوربانی دەرکرد.









باسنيوز