ئەمڕۆ یەكشەممە بنيامين ناتانياهۆ سه‌رۆك وه‌زيرانى ئيسرائيل لێدوانەكانی ره‌جه‌ب ته‌يب ئه‌ردۆگان سەركۆماری توركیای رەت كردەوە لەبارەی قودسەوە و رایگەیاند تۆ بۆردومانی گوندەكانی كوردستان دەكەیت و پشتيوانی ئێران و تيرۆريستانى غه‌زەی، وانەی ئەخلاقت لێوە فێر نابین.


ناتانياهۆ گوتى "ئه‌ردۆگان هێرش ده‌كاته‌ سه‌ر ئيسرائيل، من نامه‌وێت وانه‌ى ئه‌خلاق له‌ كه‌سێك وه‌رگرم كه‌ گوند و ناوچه‌ كوردييه‌كانى وڵاته‌كه‌ى بۆمباران ده‌كات، رۆژنامه‌نووسان زيندانى ده‌كات، يارمه‌تى ئێران ده‌دات له‌ پێشێلكردنى سزا نێوده‌وڵه‌تييه‌كان، هه‌روه‌ها يارمه‌تى تيرۆريستان ده‌دات، له‌ ناويشياندا تيرۆريستانى غه‌زه‌ و بێتاوانه‌كان ده‌كوژێت".


ئه‌م قسانه‌ى ناتانياهۆ له‌ ميانى ئه‌و كۆنگره‌ رۆژنامه‌وانييه‌ هاوبەشەدا هات، كه‌ ئەمڕۆ له‌گه‌ڵ ئيمانوێڵ ماكرۆن سه‌ركۆكمارى فه‌ره‌نسا بەستی.
bas news-