به‌پێی گرته‌یه‌ك، كه‌ ئه‌مڕۆ له‌ په‌یجه‌كانى (فه‌یسبووك) بڵاوكراوه‌ته‌وه‌، لە زانکۆی کەرکووك، قوتابییه‌ تورکمان وعەرەبەکان ئاهەنگی داگیرکردنی کەرکووکیان ئەگێڕا، له‌و كاته‌ ژماره‌یه‌كیان ئاڵاى عێراقیان به‌رز كرده‌وه‌ و گه‌نجێكى كوردیش ئاڵاكه‌ى له‌ده‌ستیان داگرت و هێنایه‌ خواره‌وه‌.


له‌دواى ڕووداوه‌كانى 16ى ئۆكتۆبه‌ر، كه‌ میلیشیاكانى حه‌شدى شه‌عبى به‌هاوكارى سوپاى پاسداران و حزبوڵاى لوبنانى و به‌چاوساغیی گروپێكى نێو یه‌كێتى، كه‌ركووك و خورماتوو و چه‌ند ناوچه‌یه‌كی ترى كوردستانیان داگیر كرد، چه‌ندین جار گه‌نجانى كورد توانیویانه‌ ئاڵاى عێراق به‌به‌رچاوى میلیشیاكان و لایه‌نگرانییه‌وه‌ دابگرنه‌ خواره‌وه‌.


پێشتریش، گه‌نجێك توانى ئاڵاى عێراق به‌سه‌ر ئۆتۆمبێلێكى پۆلیسه‌وه‌ له‌ناوه‌ڕاستى شارى كه‌ركووك دابگرێته‌ خواره‌وه‌.
bas news-