بەرپرسێ پەیوەندی و راگەھاندنێ رێڤەبەریا پۆلیسێن پارێزگەھا دھۆکێ دیارکرکو ئەڤرۆ 28/11/2017 مە فەر دیت بۆ خەلکێ پارێزگەھا دھۆکێ و ھەرێما کوردستانێ راستیا کوشتنا چەند وەلاتیان دچەند رۆژێن بۆرێدا ل دھۆکێ بدەینە دیارکرن.

ھێمن سلیمان، بەرپرسێ پەیوەندی و راگەھاندنێ رێڤەبەریا پۆلیسێن پارێزگەھا دھۆکێ، دیارکر: "تاوانبارەکی ب ناڤێ (ل ، ر) دژیێ 37 سالیێ ھاتە دەستەسەرکرن سەرا کوشتنا گەنجەکی 32 سالی ل دەڤەرا گواشی.ھەروەسا ژی چار کەس تۆھمەتبارن ب کوشتنا کەسەکی ب ناڤێ عادل سەدیق ل چیایێ زاوا. ژوان چار تاوانباران ئێک شەڤا بۆری یێ ھاتیە دەستەسەرکرن وسێ تاوانبارێن دی رەڤینە، ئەم د ھەولێن بەردەوام داینە بۆ دەستەسەرکرنا وان ژی".

خویا ژی کر: "ل ناحیا دێرەلوکێ ژی ھندەک چەکدارێن نەناسیار تەقە ل دوو کەسان کربوون، دئەنجامدا ئێک ھاتبوو کوشتن وئێک ژی بریندارببوو، ئەو کەسێ بریندار ھاتبوو رەڤاندن ژلایێ وان چەکدارانڤە. دووڤ پێزانینان وی کەسێ بریندار ژی گیانێ خوە ژدەستدایە".








باسنیوز