مەسیحی داخازا 25 ملیۆن دۆلاران بۆ نوژەنکرنا کەنیسێن خوە دکەن
وەحیدە یاقو ھورمز، سەرۆکا فراکیسۆنا کلدانی سریانی ئاشوری ل پەرلەمانێ کوردستانێ، ) دیارکر: "دەستەیا بلند یا مەسیحیان ل دەشتا نەینەوا داخازا کوژمێ 25 ملیۆن دۆلاران دکەن بۆ نوژەنکرنا کەنیسان ل دەشتا نەینەوا بەرێ سەرێ سالا نوو بھێت، چونکو مەسیحی ل سالا نوو قەستا کەنیسان دکەن بۆ ئاھەنگێن سەر سالا نوو. ل دەمێ ھاتنا تیرۆرستێن داعش خەلک ئاوارەبوون وزیان گەھشتنە خانیێن وەلاتیان و کەنیسە ھاتنە وێرانکرن وسۆتن".
خویا ژی کر: "مەسیحیان دڤێت ڤەگەرنە سەر جھێن خوە لێ دەڤەر ھاتیە وێرانکرن، خەلک پێدڤی ب ھاریکارینە ھەکە حەشدا شەعبی ئاستەنگی دروست نەکەت، دێ مەسیحی ڤەگەرن. لێ ژبەر حەشدا شەعبی ھێشتا خەلک نازڤرینە سەر مالێن خوە".
bas news-
