بە بەراورد بەساڵی پار، رێژەی باران بارین لەسنووری شارۆچکەی پێنجوێن و دەوروبەی زۆر زیادی کردووە، ھاوکات ئەمڕۆش یەکەم بەفری ئەمساڵ، لەزنجیرە چیایەکی بەرزی سنووری ناوچەی چەمی شلێری سەر بە شارۆچکەی پێنجوێن باری.

بەھادین حەسەن، لێپرسراوی بەڕێوەبەرایەتیی کەشناسیی پێنجوێن، رایگەیاند: "تاوەکو ئێستا کۆی ڕێژەی باران بارینی ئەمساڵی سنووری شارۆچکەی پێنجوێن و دەوروبەری، زیاترە لە(85) ملم، لەکاتێکدا ساڵی پار ئەم کاتانە کۆی ڕێژەی باران بارین تەنیا 14 ملم بوو".

لێپرسراوی بەڕێوەبەرایەتیی کەشناسیی پێنجوێن، ئەوەشی خستە روو،: "بەپێی ئەو رێژەیە بێت، بارانی ئەمساڵی سنوورەکەمان بەڕێژەیەکی زۆر زیادی کردووە و زیاتر لەدوو ھەفتەش دەبێت لەسنوورەکەماندا پەڵەی داوە".

گوتیشی: "ئەمڕۆ یەکەم بارینی بەفری ئەمساڵ لەکوێستانەکانی گوندی سمایلاوای ناوچەی چەمی شلێری سەر بەشارۆچکەی پێنجوێن باری".









باسنیوز