بەرپرسێ‌ پەیوەندی‌ و راگەهاندنێ‌ رێڤەبەریا بەرەڤانیا باژێری ل دهۆكێ‌ دیاركركو دناڤ سەنتەرێ‌ ناحیا دێرەلوكێ‌ دا لەھی رابوو وتیمێن بەرەڤانیا باژێری شیان هژمارەكا خانیێن وەلاتیان قورتال بكەن.

بێوار عەبدولعەزیز، بەرپرسێ‌ پەیوەندی‌ و راگەهاندنێ‌ رێڤەبەریا بەرەڤانیا باژێری ل دهۆكێ‌ دیاركر:"شەڤا 21/لسەر 22/11/2017 ل ناحیا دێرەلوك بارانەكا مەزن باری، دئەنجامدا ئاڤ چوو ناڤ مالێن وەلاتیاندا دەملدەست تیمێن مە گەهشتنە جهێ لەھیێ وهژمارەكا زۆر یا خانیێن وەلاتیان رزگاركرن ژ چوونا ئاڤێ بۆ ناڤ مالێن واندا. دووڤ پێشبینیێن كەشناسیێ دێ‌ باران بارین یا بەردەوام بیت هەتا چەند رۆژێن دی،‌ لەورا ژی تیمێن بەرەڤانیا باژێری هەموو كەڤتنە ئامادەباشیێ دا بۆ نەهێلانا روودانێن دلتەزین".

خویا ژی كر:" 24 دەمژمێران تیمێن بەرەڤانیا باژێری دگەل شارەوانیێ د‌ ئامادەباشیی دا نە وداخوازێ ژ وان خێزانان دكەین یێن مالێن وان نێزیك سكرێن ئاڤێ و جوكێن ئاڤێ‌ ودەڤەرێن مەترسی‌ ل سەر هەبیت ئاگەهداربن هەر دەمێ‌ لێمشت دروست بیت ئێكسەر ئاگەهداریا تیمێن مە بكەن".












باسنیوز