سەبارەت بە هەواڵێک کە رۆژی سێشەممە (٢١ی تشرینی دووەم ٢٠١٧) لە هەندێ ماڵپەڕی کوردیدا بڵاو کراوەتەوە، گوایە وەزیری ناوخۆی حکوومەتی هەرێمی کوردستان، لەبارەی گفتوگۆکانی نێوان شاندی سەربازیی حکوومەتی هەرێمی کوردستان و حکوومەتی عێراق، لێدوانی داوە، راگەیەندراوی نوێی بڵاو کردووەتەوە.



نووسینگەی کەریم شنگالی، وەزیری ناوخۆی حکوومەتی هەرێمی کوردستان و وەزیری پێشمەرگە بەوەکالەت، لە روونکردنەوەیەکدا سەرلەبەری ئەو هەواڵەی رەت کردەوە و رای گەیاند: ”بە هەموو لایەکی رادەگەیەنین، کە ئەو هەواڵە سەرلەبەری ناڕاست و بێ بنەمایە".


هه‌روه‌ها جه‌خت كراوه‌ته‌وه‌، كه‌ ”جەنابی وەزیر هیچ لێدوانێکی بۆ ئەو ماڵپەڕە، لەبارەی هیچ پرس و بابەتێکەوە نەداوە و هەواڵەکە هەر هەمووی دوور له راستى و دروستکراوە“.

BAS NEWS-