ئەنجومەنی وەزیرانی حکومەتی ھەرێمی کوردستان، بڕی ملیارێک دینارى بۆ زیانلێکەووتوانی بومەلەرزەکەی شارۆچکەی دەربەندیخان تەرخان دەکات.


عومەر ئەحمەد ئەمین، (لەبری) پارێزگاری سلێمانی ڕاگەیاند: "ئەنجومەنی وەزیران ڕەزامەندی لەسەر تەرخانكردنی یەك ملیار دینار بۆ چاككردنەوەی زیانەكانی بەنداوی دەربەندیخان دەربڕی".


هه‌روه‌ها، گوتیشی: "پێشتر ئەنجومەنی وەزیرانی ھەرێم ڕەزامەندی لەسەر تەرخانكردنی یەك ملیار دینار بۆ چاككردنەوەی تۆڕی ئاو و كارەبای دەربەندیخان ده‌ربڕى، هه‌روه‌ها 160 ملیۆن دینار بۆ بواری پەروەردەیشاره‌كه‌ ته‌رخانكرد".


شەوی یەكشەممە 12ی تشرینی دووه‌می2017، بوومەلەرزەیەكی بەهێز هه‌رێمى كوردستان و كوردستانى ڕۆژهه‌ڵات و پارێزگاكانى عێراقی هەژاند، كه‌ به‌هۆى ئه‌و بومه‌له‌رزه‌وه‌ له‌ هه‌رێمی كوردستان هه‌شت كەس گیانیان لەدەستدا ‌و 321 كەسیش بەهۆی ترسان و برینداربوونەوە رەوانەی نەخۆشخانەکان کران.
BAS NEWS-