سكرتێرى جڤاتا پارێزگه‌ها دهۆكێ دیاركركو چه‌ندێن بریار ژ جڤاتا پارێزگه‌ها دهۆك هاتنه‌ دان وپتریا ئه‌ندامێن جڤاتا پارێزگه‌ها دهۆكێ ب فه‌رمێ نه‌رازیبوونا خوه‌ ل سه‌ر خرابكرنا ئاڤاهیى قوتابخانا په‌ێمانگه‌ها هۆنه‌رێن جوان دانه‌ دیاركرن.



عبدالسه‌مه‌د تیلى، سكرتێرى جڤاتا پارێزگه‌ها دهۆكێ ئه‌ڤرۆ 21/11/2017) دیاركر: "جڤاتا دهۆكێ پرانیا ده‌نگێن ئه‌ندامێن جڤاتى بریار دان لیژنه‌ك بۆ دوڤچوونا گرتنا جاده‌یا ئوتێلا رێكسوس بهێته‌ پێكئیان هه‌روه‌سا ژى بریار هاته‌ دان دوكانێن فروتنا مریشكێن ساخ ب چه‌ندین مه‌رج و رینمایێن ب هه‌ڤكاریا ساخله‌میێ و ڤیته‌رنه‌ریێ بهێته‌ ڤه‌كرن و دووڤچوونا بابه‌تێ ته‌سویا ئه‌ردى بهێته‌ كرن وئه‌گه‌رێن گێرۆبوونا تسویا ئه‌ردى بۆ جڤاتا پارێزگه‌ها دهۆكێ بهێنه‌ ده‌ست نێشانكرن".



خۆیا ژى كر: " پشتى داواكارى گشتى ل دهۆكێ ب نڤیساره‌كێ داخوازا پیرابوونا ل سه‌ر گرتنا جادا خزمه‌تگوزارى ئه‌وا دكه‌ڤیته‌ به‌رامبه‌ر ئوتێلا رێكسۆس كرى مه‌ ژى ئه‌ڤرۆكه‌ وه‌كو جڤاتا پارێزگه‌ها دهۆكێ بریار دا لیژنه‌ك بهێته‌ پێكئینان بۆ دوڤچوونا گرتنا وێ جادێ".

BAS NEWS-