لە سنووری پیرانشار بەهۆی تەقەی ڕاستەوخۆی هێزە چەکدارەکانی ئێران چوار کۆڵبەر کوژران و بریندار بوون و کۆڵبەرێکی دیکەش بەهۆی تەقینەوەی مینەوە لاقێکی لەدەست داوە.



بەپێی ڕاپۆرتی ڕێکخراوی مافی مرۆڤیی (هەنگاو) ئێوارەی دوێنێ دووشەممە 2017/11/21 هێزە چەکدارەکانی ئێران لە سنووری پیرانشار تەقەیان لە کۆمەڵێک کۆڵبەر کردووە کە کوژرانی کۆڵبەرێک و برینداربوونی سێ کۆڵبەری دیکەی لێ کەوتووەتەوە.



ناسنامەی ئەو کۆڵبەرەی کە گیانی لەدەست داوە "حەسەن مورادی" ڕاگەیەندراوە.



بەپێی هەمان سەرچاوە، ناسنامەی دوو کۆڵبەرە بریندارەکە بریتییە لە "رەحمان مەحموود نەژاد و سمکۆ ئەحمەدی" کە ئێستا لە یەکێک لە ناوەندە دەرمانییەکانی ئەو شارە لەژێر چاوەدێریی پزیشکی دان.



لەلایەکی دیکەوە و هەر دوێنێ کۆڵبەرێکی دیکەی خەڵکی پیرانشار بەناوی "لوقمان واحیدی" لە شوێنێک بە ناوی "کانی خودا" کەوتووەتە سەر مین و لاقێکی لە دەست داوە.




باسنيوز