نوونەرێ کریستیانان ل جڤاتا پارێزگەھا دھۆکێ دیارکرکو ب فەرمێ کریستیانان ب رێکا کەنیسێن خوە یێن سریانی و ئاشوری و کلدانی داخواز ژنەتەوەیێن ئیکگرتی و ئەمریکا کرن رۆلێ خوە ببینن چارەسەرکرنا ئالوزیێن ل دەشتا نەینەوا ھەتا کریستیان بشین ڤەگەرنە سەر مالێن خوە.



ئەڤرۆ 18/11/2017، لینوس عودیشو بترس، نوونەرێ کریستیانان ل جڤاتا پارێزگەھا دھۆکێ دیارکر: "ژبەر ھەبوونا ناکوکێن سیاسی ل سەر دەڤەرا دەشتا نەینەوا بتایبەتی ژی پشتی حەشدا شەعبی ھاتیە دەڤەری پتر ئالوزی بۆ خەلکێ دروستکرینە خەلک بیێ ھێڤی بووینە بزڤرنە سەر جە و مالێن خوە مە ب فەرمێ داخواز ژ نەتەوەیێن ئیکگرتی و ئەمریکا کریە ھەڤکاربن بۆ چارەسەرکرنا ئالوزیێن ڤێ دووماھیی پەێدابووین و ھاتنا حەشدا شەعبی بۆ دەڤەرێن دەشتا نەینەوا".



خۆیا ژی کر: "نوکە ئاوارێن کریستیان ل دەشتا نەینەوا ژبەر حەشدا شەعبی نازڤرنە سەر جە و مالێن خوە ئەڤە سێ سالن کریستیانێن دەڤەرا تلکیف و بانتایی وچەندین دەڤەرێن دێ مال ومولگێن خوە بجە ھیلاینە نەشین ڤەگەرن".
bas news-