ل پارێزگەھا دھۆکێ بەرھەڤیێن ڤەگەریانێ بۆ ناحیا سنۆنێ دگەل رێکخراوان ھاتنە کرن، دەمێ جڤاتا شەرعی یا سنۆنێ ڤەدگەریت دێ 23 رێکخراو ژی ڤەگەرنە سنۆنێ بۆ ئەنجامدانا خزمەتگوزاریان.

ئلیاس رەڤۆ، سەرۆکێ جڤاتا ناحیا سنۆنێ، دیارکر: "ھەر دەمێ جڤاتا شەرعی یا سنۆنێ ڤەگەریا سنۆنێ دێ ھەموو رێکخراو ژی گەل ڤەگەرینە سنۆنێ، چونکو ھەتا ئەڤرۆھیچ رێکخراوەک ژبەر مەترسیا حەشدا شەعبی یا بەرھەڤ نینە بزڤرتە سنۆنێ، نۆکە ھەموو رێکخراوان بارەگایێن خوە ژ سنۆنێ ڤەکێشاینە".

سەرۆکێ جڤاتا ناحیا سنۆنێ، خویا ژی کر: "بەری حەشدا شەعبی بھێت 23 رێکخراوا خزمەت ل دەڤەرێ پێشکێشی خەلکێ دکرن لێ پشتی حەشدا شەعبی ھاتیە دەڤەرێ ھەموویان خوە ڤەکێشان".

گوت ژی: "ئەم گەل ھەموو رێکخراوا رێکەڤتین پلانا سالا 2018 بھێتە دانان بۆ خزمەتکرنا خەلکێ سنۆنێ، ھەردەمێ جڤاتا شەرعی یا سنۆنێ چوو سەر کارێ خوە ئەو رێکخراوا ژی بھێنە دەڤەرێ دەست ب خزمەتکرنا وەلاتیان بکەن".










باسنیوز