بەڕێوەبەری بەرگریی شارستانیی دەربەندیخان دۆزینەوەی تەرمی هاووڵاتییەكی لەناو بەنداو دەربەندیخان ڕاگەیاند كە بەهۆی بوومەلەرزەكەی شەوی ڕابردووەوە كەوتووەتە ناو بەنداوەکەوە.

ڕائید كەیوان ئەحمەد، بەڕێوەبەری بەرگریی شارستانیی دەربەندیخان، ڕایگەیاند: "سەرلەبەیانی ئەمڕۆ 13/11/2017 لەلایەن تیمی مەلەوانیی بەرگریی شارستانی دەربەندیخانەوە، تەرمی هاووڵاتییەكی تەمەن نزیكەی 60 ساڵ لەناو ئاوی بەنداوی دەربەندیخان بە خنكاویی دۆزرایەوە".

گوتیشی "هاووڵاتییەكە ناوی (حەمەكەریم محەمەد نادر)ە و دانیشتووی گوندی (زمناكۆ) ی نزیك دەربەندیخانە، لەكاتی بوومەلەرزەكەدا لەناو بەنداوەکە سەرقاڵی ڕاوەماسی بووە و بەو هۆیەوە خنکاوە".

بەهۆی بومەلەرزەكەی شەوی ڕابردووەوە، 8 هاووڵاتی لە هەرێمی كوردستان گیانیان لە دەست داوە و 201 هاووڵاتیش برینداربوون و 120 هاووڵاتی دیكەش بەهۆی ترسەوە گەیەندراونەتە نەخۆشخانە









باسنیوز