گوتەبێژی ئەنجومەنی سەركردایەتیی پارتی دیموكراتی كوردستان، لە كەركووك-گەرمیان ئاشكرای كرد چەكدارانی حەشدی شەعبی حەوت گەنجی کوردیان دەستگیر كردووە و تا ئێستاش چارەنووسیان نادیارە.



عەدنان كەركووكی، گوتەبێژی پارتی لە كەركووك- گەرمیان، ڕاگەیاند: "حەشدی شەعبی بەردەوام هەڵدەكوتێتە سەر ماڵان، بە بیانووی پشكنینی ماڵان و ئەو چەكدارانە 7 گەنجی کوردیان لە گەڕەكی (شۆریجە)ی كەركووك دەستگیر كردووە".



ئاشكراشی كرد: "ئەو گەنجانە ئێستا چارەنووسیان نادیارە".



بەپێی زانیارییەكان شەوی شەممەی ڕابردوو 11/11/2017، چەكدارانی حەشدی شەعبی جموجۆڵی نائاساییان لە گەڕەكی شۆریجەی شاری كەركووك ئەنجام داوە و پاشان لەلایەن ژمارەیەك گەنجی نەناسراوە، تەقە لە ئۆتۆمبێلە سەربازییەكانی حەشدی شەعبی كراوە".




باسنيوز