پێشمه‌رگه‌یه‌كى دێرین كه‌ له‌ خانوویه‌كی كرێژدا بووه‌، له‌لایه‌ن خاوه‌ن خانووه‌كه‌یه‌وه‌ ده‌رده‌كرێت و به‌ناچارى ماڵ و كۆچه‌كه‌ى ده‌هێنێته‌ سه‌ر شه‌قامێكى شارى سلێمانى، پارێزگارى سلێمانییش له‌ڕێگه‌ى (باسنیوز)ـه‌وه‌، تیمێكى تایبه‌ت بۆ به‌هاناوه‌ چوونى ئه‌و ماڵه‌ هه‌ژاره‌، پێك ده‌هێنێت.



له‌گه‌ڕه‌كى خه‌باتى شاری سلێمانى، هاوڵاتیه‌ك كه‌ پێشمه‌رگه‌یه‌كى دێرینه‌ به‌هۆى ئه‌وه‌ى پاره‌ى كرێى خانووه‌كه‌ى نه‌بووه‌، له‌لایه‌ن خاوه‌ن خانووه‌كه‌یه‌وه‌ ده‌رده‌كرێت و به‌ناچارى ماڵ و كۆچه‌كه‌ى له‌گه‌ڵ كچه‌ تاقانه‌كه‌ى ده‌هێنێته‌ سه‌ر یه‌كێك له‌ شه‌قامه‌كانى شارى سلێمانى.



باسنیوز، بۆ به‌هاناوه‌چوونى ئه‌و خێزانه‌ په‌یوه‌ندى كرد به‌ سه‌ردار قادر، پارێزگارى سلێمانى، له‌ وه‌ڵامدا ڕای گه‌یاند، كه‌ ئاگادارى ئه‌و كێشه‌ نییه‌ و بۆ ئه‌و مه‌به‌سته‌ش تیمێك بۆ به‌هاناوه‌چوونى ئه‌و خێزانه‌، پێك ده‌هێنێت.
bas news-