کونسلخانا ئەمریکا ل ئامێدیێ روینشتنەک ئەنجام دا
رێڤینگ مزوری، راوێژکارێ پەروەردە و خوێندنا بلند ل کونسلخانا ئەمریکا ل ھەولێرێ، د روینشتنا خوە دا بەحسێ وێ چەندێ کر و بو (باسینوز) راگەھاند: "مەرەما مە ژ ڤان روینشتنا ئەو چەندەیە گەلەک کەس ژ ماموستا و قوتابیان ل ھەمو دەڤەرێن کوردستانێ ھەنە حەزا خواندنێ ھەیە ل زانکویێن ئەمریکی ل وەلاتێ ئەمریکا لێ وان قوتابی و ماموستایان ژ لایێ رەوشا دارای ڤە وەک پێـتڤی د بەرھەڤ نینن لەورا حکومەتا ئەمریکا دەلیڤێن خواندنێ کو د بێ بەرامبەرن بو وان کەسان بەرھەڤکرینە و ب دلخوەشی ڤە ھەتا نھا ئەم شیانە پتر (100) ماموستا و قوتابیان رەوانەی وەلاتێ ئەمریکا بکەین و باشترین پرۆگرام ھاتینە نیشاندان بو ئەوان ماموستا و قوتابیان"
گوت ژی: "ئەم ل ھەرێما کوردستانێ ل ھەمو زانکویان ئەڤێ دەلیڤێ پێشکێشدکەین و ھەمو ئەو ماموستا و قوتابیێن حەزا خواندنێ د بوارێ شارەزای دبوارێ پرۆگرامان دا ھەبیت یان ژی بو بدەستڤەھاتنا باوەرناما (بەکالوریوس یان ماستەرێ) ئەم رەوانەی وەلاتێ ئەمریکا دکەین و ھەژی گوتنێ ژی یە کو ل وەلاتێ ئەمریکا (4900) زانکو ھەنە و ھەمو زانکو د پێشکەفتی نە".
راوێژکارێ پەروەردە و خوێندنا بلند ل کونسلخانا ئەمریکا، دیارکر ژی: "نە بتنێ ئەو ماموستا و قوتابیە دێ د شارەزا بن د بوارێ پرۆگرامان دا بەلکو ھەمو لایان ڤە ئەو کەسە دێ بنە خوەدان کەسایەتیەکا بھێز و دشیانێن وان دایە ژیانا خوە ب سەر ب بەن بێ کو پێتڤیا وان ب دامەزراندنێ ھەبیت چونکە دێ بنە خوەدان شارەزای د ھەر بوارەکێ دا و گوت ژی: بالیوزخانا ئەمریکا ل عیراقێ ھەماھەنگی دگەل ھەولێرێ ھەردەم ئەڤ جورە دەلیڤەیە د ئامادەباشیا وێ چەندێ دا دیارکرینە کو ھەر قوتابیەکێ حەزا خاندنێ ھەبیت و ئەگەر وان ماموستا و قوتابیان چو داھات د ناڤا مالێن خوە دا نەبیت ژی ، حکومەتا ئەمریکا دێ ھەمو خەرجی ژ مانا وەلاتێ ئەمریکا و خەرجیێن خاندنێ و خارن و ڤەخارن دگەل چەندین گەشتان بو ویلایەتێن ئەمریکا ب ستویێ خوە ڤە گریت لەورا ئەم ژی ل ھەولێرێ ھەردەم دێ د ئامادە باشیێ دا بین ژ پێخەمەت خزمەتکرنا ھەمو خەلکێ ھەمو دەڤەرێن کوردستانێ".
bas news-
