29 سالان به‌ریا نها ل سپێده‌هیه‌كا ره‌ش دا (8) هزار هاولاتیێن ده‌ڤه‌را بارزان كو ب ره‌گه‌زێ (نێر) ل بیابانێن ره‌ش یێن باشورێ عیراقێ ب ساخى هاتنه‌ بن ئاخكرن و پشتى ئازادكرنا عیراقێ و كه‌فتنا رژێما دكتاتورا به‌عس ته‌رمێن ئه‌وان (8) هزار شه‌هیدێن بارزان هاتنه‌ ڤه‌گوهاستن بو ده‌ڤه‌را بارزان و دناڤا گورستانه‌كێ دا هاتنه‌ ڤه‌شارتن، هه‌تا نها ئه‌و رۆژا ره‌ش و ئه‌و خه‌مو كوڤانه‌ دناڤا دلێ دایكێن ئه‌وان شه‌هیدان دا مایه‌ له‌ورا.



ل هه‌مو سالان ل رێكه‌فتى 31/7 خه‌لكێ هه‌مو كوردستانێ ب تایبه‌ت یێ ده‌ڤه‌را بارزان سه‌ره‌دانا ئه‌ڤێ گورستانێ دكه‌ت ئه‌و گورستانا بویه‌ وارگه‌هه‌كێ تژى بیرهاتن بو (8) هزار دایكێن شه‌هیدان.



له‌ورا ژلایێ حكومه‌تا هه‌رێما كوردستانێ ڤه‌ ژى موزه‌خانه‌یه‌ك بو ئه‌وان (8) هزار شه‌هیدێن ئه‌نفالا بارزان هاتیه‌ دروستكرن و هه‌مو ئه‌و كه‌لو په‌ل و شینوارێن ئه‌وى ده‌مى دناڤا وێ موزه‌خانێ دا هاتینه‌ كومكرن و نیشان دان و د ئه‌ڤ ساله‌ دا (16) هزار كه‌سێن به‌ریناس و نوینه‌رێن وه‌لاتێن بیانى و كه‌سوكارێن شه‌هیدان سه‌ره‌دانا ئه‌ڤێ موزه‌خانێ كریه‌.
bas news-