بەرپرسی ڕاگەیاندنی بەڕێوەبەرایەتیی پۆلیسی دھۆک، ڕایدەگەیەنێت کە بکوژی ئەو گەنجەی بەر لە دوو ڕۆژ لە دھۆک لە یەکێک لە کافتریاکان کوژرا، ئەمڕۆ دەستگیر کرا.



ھێمن سلێمان، بەرپرسی ڕاگەیاندنی بەڕێوەبەرایەتی پۆلیسی دھۆک، بە (باسنیوز)ی ڕاگەیاند: "دوو ڕۆژ لەمەوبەر لە ڕێککەوتی 20 لەسەر 21/1/2017 لە کافتریای (سەھوان) کۆمەڵگەی شاریا، دەمەقاڵی لە نێوان دوو گەنج ڕوویدا و بوو بە شەڕیان و لە ئەنجامدا گەنجێک بەناوی (ش.س.ا) چەند گوللەیەکی پێکەوت و بە سەختی بریندار بوو، دوای ڕەوانەکردنی بۆ نەخۆشخانەی فریاکەوتنی دھۆک، گیانی لەدەستدا و تاوانباریش، ھەڵات و خۆی شاردبویەوە".


بەرپرسێ ڕاگەیاندنی بەڕێوەبەرایەتیی پۆلیسی دھۆک، گوتیشی: "خۆشبەختانە ئەمڕۆ یەکشەممە 22/1/2017 پۆلیسی دھۆک بکوژەکەیان بەناوی (ش.س.ا) بە ماددەی (406) دەستگیر کرد و ڕەوانەی دادگا کرا".
BAS NEWS-