سەرکردەیەکی باڵای رێکخراوی توندڕەوی داعش لە باشووری رۆژئاوای کەرکووک دەڕفێندرێت.



بەپێی زانیارییەکان، ژمارەیەک هاووڵاتیی چەکدار لە گەڕەکێکی ناوەڕاستی شارۆچکەی حەویجە لە سنووری پارێزگای کەرکووک ئەبو تیبە ئەلئەنساری‌یان دەستگیر کردووە و رفاندوویانە.



ئەبو تیبە ئەلئەنساری توندڕەوێکی عێراقی بوو، بەرپرسی تیمی لەسێدارەدانەکانی داعش بوو لە سنوورەکە.



ئەو چەکدارە نەناسراوانە، خەڵکی حەویجە و دەوروبەرین و بێزاربوون لە یاسا نامرۆڤانە و دڕندەکانی داعش.



لە مانگی حوزەیرانی 2014 و لە سەردەمی سەرۆک وەزیرانیی نوری مالیکی، دوای هەرەس هێنان و شکستی سوپای عێراق، شارۆچکەی حەویجە لە پارێزگای کەرکووک و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار لەلایەن چەکدارانی رێکخراوی توندڕەوی داعش داگیر کران.
BAS NEWS-