سەرۆكێ‌ جڤاتا قەزا شنگال دیاركر،بەغدا یا گونەهبارە بەرامبەر وێ‌ زۆلم و زۆرداریا ل خەلكێ‌ شنگال هاتیە كرن. دێ‌ ئەم سەرەدانا بەغدا كەن بۆ وەرگرتنا دووماهی هەلوەستێ ژ عێراقێ. ئەم ئێدی گەل عێراقی نابن.



نایف وەیسی، سەرۆكێ‌ جڤاتا قەزا شنگال بۆ (باسنیوز)دیاركر:" دێ‌ ب رژدی كاركەین بەغدا هەلوەستێ خوە یێ دووماهیل سەر شنگال ئاشكرابكەت. هەر ژ رۆژا 3/8/2014 هەتا ئەڤرۆ بەغدا چوو هەلوەست ل سەر شنگال وەرنەگرتینە ئەڤە جهێ حیبەتی بۆ شنگالیانە. دێ‌ كاركەین ب فەرمی شنگال ژبەغدا ڤەبیت، ئەم نەمینن سەر وان ڤە. ئەڤە دێ‌ مەرەما شنگالیان یا سەرەكی بیت دەمێ‌ سەرەدانا بەغدا دكەن. نۆكە ئەم كاردكەن زووترین وەخت ڤێ‌ هەلوەستێ خوە ل بەغدا ئاشكرا بكەین".



خۆیا ژی كر:"جڤاتا شنگال دگەل هەموو دام ودەزگەهێن دەڤەرێ‌ بریار دان دگەل پەرلەمانتارێن شنگال ل جڤاتا نوونەرێن عێراقێبچنە بەغدا بۆ دروستكرنا فشارەكێ‌ ل سەر حكومەتا عێراقی".

BAS NEWS-