پێگه‌كانى تۆڕه‌ كۆمه‌لایه‌تییه‌كان وێنه‌ى منداڵێكیان بڵاو كردووه‌ته‌وه‌، كه‌ ناوى "مه‌روه‌ دوره‌ید یونس خه‌لیل"ـه‌ و خه‌ڵكى شارى مووسڵه‌، ڕاشی ده‌گه‌یه‌نن، كه‌ ئێستا منداڵه‌كه‌ له‌بارێكى ته‌ندروستى زۆر خراپدایه‌ و به‌ته‌نها له‌ نه‌خۆشخانه‌یه‌كی خۆرئاواى هه‌ولێر خه‌وێندراوه‌، وه‌ك له‌ وێنه‌كه‌شدا ده‌رده‌كه‌وێت، ده‌سته‌كانى و ده‌موچاوى بریندارن.



به‌پێی ئه‌و پێگانه‌، منداڵه‌كه‌ ماڵیان له‌گه‌ڕه‌كى "جه‌زائیر"ـى شارى مووسڵه‌، له‌گه‌ڵ دایكیدا له‌ داعش هه‌ڵاتوون، به‌ڵام دایكی گیانى له‌ده‌ست داوه‌ و منداڵه‌كه‌ش به‌ته‌نها و بێ كه‌س ماوه‌ته‌وه‌.



منداڵه‌كه‌ ده‌ڵێت :" باوكم له‌ مووسڵ ماوه‌ته‌وه‌". ئه‌و منداڵه‌ ئێستا پێویستییه‌كى زۆرى به‌هاوكارییه‌ .



به‌هۆى شه‌ڕه‌كانى مووسڵه‌وه‌، ده‌یان هاوولاتی برینداربوون و به‌شێكی زۆریان له‌ نه‌خۆشخانه‌كانى هه‌رێمى كوردستان چاره‌سه‌ریان بۆ ده‌كرێت، كه‌ زۆربه‌ى برینداره‌كان به‌هۆى بۆردوومانه‌ هه‌ڕه‌مه‌كییه‌كانى داعشه‌وه‌، بریندار بوون.



له‌ 17ى10ى2016ـه‌وه‌، ئۆپه‌راسیۆنه‌كانى ڕزگاركردنى نه‌ینه‌وا، له‌لایه‌ن هێزه‌كانى پێشمه‌رگه‌ و هێزه‌ ئه‌منییه‌كانى عێراق به‌ هاوكارى فڕۆكه‌ جه‌نگییه‌كانى هاوپه‌یمانى نێوده‌وڵه‌تى ده‌ستی پێكردووه‌ و تائێستا به‌شێكى ۆزرى ناوچه‌كه‌، ڕزگاركراوه‌ و شه‌ڕیش به‌رده‌وامه‌.
bas news-